Пејачката тврди дека нејзиниот син има проблеми со дрогата, но и нарушено физичко и психичко здравје. Таа ја обвинува поранешната снаа за тоа што му се случило.
Американската пејачка Шер (77) поднела документи со барање за старателство на нејзиниот 47-годишен син Елајџа Блу Алман за да управува со неговите финансии „поради сериозни проблеми со менталното здравје и злоупотреба на супстанции“, пренесува TMZ.
Cher files for conservatorship over 47-year-old son Elijahhttps://t.co/OXgxYAveRE
— The Messenger (@TheMessenger) December 28, 2023
Уметницата тврди дека нејзиниот син е зависник од дрога, и дека не може да управува со финансиските работи и има здравствени проблеми, физички и психички.
Првото рочиште за овој предмет е закажано за 06.03.2024 година.
Елајџа Блу е син на Шер и покојната рок ѕвезда Грег Алман, кој почина во мај 2017 година на 69-годишна возраст. Пејачката рече дека Елајџа добива интервални плаќања од фондот создаден од Алман и ја изрази својата загриженост дека тој ќе ги искористи своите пари за купување нови дроги наместо да плаќа за основните трошоци.
Шер смета дека како мајка најмногу ѝ одговара да биде старател и добила семејна поддршка по ова прашање.
Славната личност верува дека нејзиниот син бил под екстремно негативно влијание на неговата поранешна сопруга, 36-годишната Марианџела Кинг, која сега ги попречува напорите Шер да му ја даде потребната помош.
Кинг и Шер претходно јавно се караа, а Кинг тврдеше дека Шер се обидела да го киднапира Елајџа минатата година за да го испрати на рехабилитација. Пејачката ги негираше сите обвинувања од поранешната снаа.
