За Шакира пристигна моментот на вистината. Колумбиската пејачка го даде своето второ интервју по раскинувањето со Жерар Пике.
Во разговор со мексиканскиот новинар Енрике Ацеведо од телевизијата Телевиса, таа објасни како разделбата влијаела на неа, особено затоа што тоа било поради неверство.
Таа изјави дека морала да научи да се реизградува себеси по нешто што изгледало како трагедија во нејзиниот личен живот.
Интервјуто кое толку се очекуваше предизвика огромна гледаност, а премиерно беше прикажано на мексиканската телевизија.
Интервјуто е снимено во Барселона минатата недела, но светската премиера беше закажана за понеделник вечер.
Para todos aquellos que estaban muy “Procupados” y “Angustiados” por los Hijos de Shakira al oír el tema con Bizarrap ( hasta @LassoMusica ) ahí tienen !!! Fue el mismo Milan quien le sugirió que hicieran un tema! , a ver si se les acaba la Preocupación! 🤣 pic.twitter.com/GJDo1vyaDY
— Ahmed 👽 (@AhmedJr) February 26, 2023
Во првиот дел од разговорот, Шакира ја истакна важноста жените да можат да ги раскажуваат своите приказни и да се поддржуваат една со друга.
„Преку моите песни отсекогаш чувствував должност да го користам својот глас и да им го позајмувам на оние кои не можат да зборуваат“, рече Шакира. „Сфатив дека жените се во клучен момент за општеството, во момент кога поддршката што можеме да ја добиеме една од друга е многу релевантна“.
„И како што велеше Медлин Олбрајт, државниот секретар на САД: „Во пеколот има место резервирано за оние жени кои не ги поддржуваат другите“.
Шакира, исто така, даде своја верзија за тоа како успехот од новиот хит Shakira: Bzrp Music Sessions, Vol. 53 ѝ го променил животот.
@bizarrap! 100M en @youtube ya? Me dicen que es la canción en español más rápida en lograr eso? Necesito que alguien me pellizque a ver si es cierto. pic.twitter.com/ZT6xc3XOUN
— Shakira (@shakira) January 15, 2023
„Јас сум токму во центарот на дебати поради оваа песна“, рече Шакира.
Шакира изјави и дека песната е сурово парче израз од она што го почувствувала по разделбата со поранешниот фудбалер. Таа, исто така, го откри влијанието што го претрпела гледајќи како нејзиниот живот, односно животот како пар, се распаѓа и завршува сонот за среќно семејство.
„Верував во приказната дека на жената ѝ треба маж за да биде комплетна, семејство“, изјави Шакира. „И јас го имав тој сон да имам семејство, каде децата ќе имаат татко и мајка под ист покрив“.
„Не се исполнуваат сите соништа во животот, но животот наоѓа начин да ти надомести некако и мислам дека со мене е повеќе од надоместено со овие две прекрасни деца кои ме исполнуваат со љубов секој ден, а јас исто така открив дека приказната дека на жената ѝ треба маж за да биде комплетна е лажна“.
Шакира зборуваше и за тоа како морала да ја реконструира својата личност кога веќе не е емотивно зависна од Пике.
„Отсекогаш сум била емотивно зависна од мажите, морам да признаам“, вели таа. „Бев заљубена во љубовта и мислам дека успеав да ја разберам таа приказна од друга перспектива.
„Денес чувствувам дека сум доволна сама за себе и верувам дека кога жената ќе се соочи со нападите на животот таа излегува посилна, а кога ќе излезе посилна тоа е затоа што ги знаела сопствените слабости, ја прифаќа својата ранливост, изразувајќи го она што го чувствува – таа болка, бидејќи велат дека „спротивното од депресијата е изразување“, успеав да почувствувам дека сум си доволна, нешто што мислев дека никогаш не можам да бидам. Сега се чувствувам комплетно.
„Мислам дека зависам од себе и имам и две деца кои зависат од мене и чувствувам дека морам да бидам посилна од лавица, но за таа сила да биде вистинска треба да биде резултат од преживување на жалоста и нејзино прифаќање, од толерирањето на фрустрацијата, да прифатиш дека има работи што не ги сакаш, дека има соништа што се скршени, дека треба да ги собереш малите парчиња од земјата и повторно да се изградиш“.
Конечно, Шакира зборуваше за уметничката помош што Бизарап и ја дал да ја изрази својата болка и да ја претвори во Music Sessions #53, која стана светски голем хит.
„Некој мораше да го фотографира денот кога работев со Бизарап“, изјави Шакира. „Пред и потоа затоа што на еден начин влегов во студио, а на друг начин излегов.
„Тоа е една од оние работи за кои сум благодарна на Бизарап, што ми го даде тој простор, таа можност да испуштам пареа од себе и да, тоа беше одличен излез за мојот сопствен процес на закрепнување. Мислам дека би била на многу поинакво место да немав можност да се изразам со таа песна“.
Шакира неодамна објави уште една песна со колешката – колумбиската уметница Карол Џи, која исто така зборува за нејзиното раскинување.
