Селин Дион добива документарен филм наречен I Am: Celine Dion, во кој искрено им зборува на фановите за својот живот. Канадската ѕвезда Селин Дион отворено зборува за нејзините достигнувања, и – особено за – предизвикувачките последни неколку години во кои се откажа од турнеите за да се фокусира на своето здравје.
Документарниот филм I Am: Celine Dion го режира Ирена Тејлор, а ќе биде интимен поглед на кариерата и приватниот живот на познатата пејачка.
Селин се бори со синдромот на вкочанета личност (СПС), ретка и неизлечива невролошка болест која може да предизвика многу тешки мускулни грчеви.
Во описот на филмот е наведено дека на емотивен, енергичен и поетски начин ќе го прикаже приватниот живот на оваа ѕвезда, а патем ќе долови повеќе од една година од нејзиното животна борба со болеста.
„Последните неколку години беа вистински предизвик за мене, тоа беше патување од откривање на мојата состојба до наоѓање начин да живеам и да се справам со неа, но нема да дозволам тоа да ме дефинира“, рече Селин Дион.
„Додека го продолжувам изведувачкиот дел од мојата кариера, сфатив колку ми недостига, особено гледајќи ги фановите. За време на моето отсуство, решив дека сакам да го документирам овој дел од животот, да се обидам да ја подигнам свеста за оваа малку позната состојба и да им помогнам на другите со оваа дијагноза“.
View this post on Instagram
Датумот на објавување на документарниот филм се уште не е познат, но најверојатно ќе биде достапен за гледање веднаш на стриминг сервисот Prime Video.
Да потсетиме, на Селин Дион ѝ беше дијагностициран синдром на вкочанета личност пред помалку од две години, кога им се обрати на своите обожаватели и објасни зошто ја одложила својата турнеја.
