За односот помеѓу тенисерите Ана Ивановиќ и Новак Ѓоковиќ се шпекулира со години, а двајцата пред две вечери заедно се нашле во еден белградски бар, пишува српски „Блиц“.
Ана Ивановиќ во моментот престојува во Србија, а во текот на викендот отишла во еден белградски бар со пријатели. Тие се сместиле на нивната маса и уживале во добрата музика и пијалаци, а кога атмосферата веќе се вжештувала, околу два часа подоцна, во локалот дошол и Новак Ѓоковиќ.
Интересно е што Ѓоковиќ дошол сам, што дополнително укажува дека тој и Ана се договориле однапред да се видат и дека не станувало збор за случајна средба на стари колеги. Тој и Ана ја поминале целата вечер играјќи заедно, смеејќи се, разговарајќи и без сомнение добро се забавувале, во што се увериле и гостите на другите маси, чие внимание секако го привлекле, пишува „Пинк.рс“.
Овој пат Ана избрала долг, затворен фустан и косата ја собрала во лежерна ниска пунџа, додека Ноле бил облечен полежерно – во фармерки и бела кошула. Тој цела вечер пиел кисела вода, додека Ана одлучила да ужива во доброто вино.
За добрата атмосфера бил задолжен Стеван Анѓелковиќ, кој на гостите им пеел и странски и српски хитови, Ноле и Ана биле цело време на нозе, а журката траела до доцна во ноќта.
Инаку, последната фотографија од Новак Ѓоковиќ и Ана Ивановиќ е направена пред 10 години, а долго време се шпекулира дека двајцата се скарани.
Да потсетиме, Ана неодамна ги изненади сите кога сподели фотографија од раните тинејџерски денови на која е со Новак Ѓоковиќ.
Иако се пријатели уште од детството, двајцата не се следеле еден со друг на социјалните мрежи со години, што неодамна се променило кога Ана го заследила Новак на Инстаграм, каде што е многу активна.
