Бизнисменот Драган Станковиќ, кој на јавноста ѝ е добро познат како поранешен партнер на контроверзната српска водителка Јована Јеремиќ, не крие колку е среќен во новата љубовна врска. Тој со својата убава избраничка отпатува на романтичен одмор во Шпанија, од каде што редовно споделува заеднички моменти.
Новиот пар максимално ужива во сончевите денови, а своите следбеници ги почестија со кадри од луксузни ручеци со морски плодови и врвен шампањ. Романтичните вечери им се зачинети со нежни прегратки и црвени рози, а судејќи по нивните насмевки додека се разладуваат во базен, тие ги живеат најубавите денови од својата романса.
Јована Јеремиќ со остар коментар: „Минатата врска скапо ме чинеше, сите беа сателити околу мене“
Додека Драган ужива во Шпанија, неговата поранешна партнерка Јована Јеремиќ не молчи. Таа неодамна отворено прозборе за машко-женските односи, за поранешните партнери, но и за својот нов дечко – боксерот Милош Стојановиќ Тигар.
Во нејзин препознатлив стил, таа упати брутални зборови до бизнисменот Станковиќ:
„Многу скапо ме чинеше минатата врска, настрадав во секоја смисла. Сите околу мене беа сателити, бидејќи ниту еден ја немаше таа сила. Мојот втор сопруг ќе биде личност сам за себе, а не ‘дечкото на Јована Јеремиќ’, бидејќи на многумина тоа им беше единствената функција во животот. Сигурно нема да се омажам за слепец. Сакам да мирисам на Диор и да носам дијаманти, а мојот нов маж ќе добие нова листа на желби“, брутално искрена е Јована.
Водителката додаде дека една година е сосема доволен период за да се процени еден маж и дека доколку тој не ги направи вистинските потези, не треба да се губи време.
Од друга страна, Драган Станковиќ по раскинувањето со водителката остана прилично воздржан во медиумите, кусо изјавувајќи: „Тука би завршил!“.
