Актерката Лидија Вукиќевиќ се присети на почетоците на својата кариера и призна дека нејзината искреност често скапо ја чинела, како во приватниот живот, така и на професионален план.
Како што раскажа, уште од самиот почеток сакала публиката да ја препознава по талентот, а не само по физичкиот изглед, пишува Дневни аваз.
„На почетокот ми беше најтешко. Сакав да се докажам. Во моето прво интервју реков: ‘Јас сум актерка со мозок’, бидејќи не сакав луѓето да ме доживуваат само како згодна бринета“, рекла Лидија.
Таа додала дека поради својот карактер и директност изгубила бројни улоги.
„Секогаш на луѓето им ја кажувам вистината в лице. Тоа ме чинеше и пријателства и работа. Веднаш му кажувам на режисерот што не сакам да правам“, истакнала актерката.
Открила дека поради својот став останала без улога во култната серија „Вук Караџиќ“, иако костимот за неа веќе бил подготвен.
„Ја прочитав целата литература и требаше да играм во таа серија, но на крајот не учествував затоа што реков дека тоа што го замислиле не ја оправдува улогата што ја играм“, изјавила таа.
Говорејќи за сцените со голотија, нагласила дека нема ништо против нив доколку имаат уметничко оправдување.
„Актерката треба да се соблече кога тоа го бара ликот. Но, ако целта е само да се привлече публиката и да се заработат пари, тогаш таков филм со мене не може да се прави“, порачала актерката.
View this post on Instagram
View this post on Instagram
