Пејачката Ксенија Кнежевиќ се породи и на свет донесе девојче на кое родителите ѝ дадоа прекрасно име со моќно значење.
Ксенија доби ќерка со својот долгогодишен партнер Никола Тодоровиќ, а девојчето го доби името Матеа, што е име од хебрејско потекло и се преведува како „дар од Бога“.
Гордиот дедо, познатиот пејач Ненад Кнежевиќ Кнез, не ја криеше својата среќа и возбуда поради доаѓањето на неговата внука.
– Ни се роди Матеа. Сите сме среќни и возбудени. Помина малку подолго, го помина деветтиот месец, а утрово имаше породилни болки. Ја видов на фотографија. Бебето е преслатко – рекол Кнез за Курир.
За време на нејзината бременост, Ксенија најмногу ја чуваше својата приватност. Веста дека го очекува своето прво дете беше потврдена во март оваа година, кога пејачката откри дека е веќе пет месеци бремена и дека се чувствува одлично.
