Тенискиот ас Горан Иванишевиќ последните денови е во центарот на вниманието на јавноста бидејќи ја тужеше својата сопруга Татјана Драговиќ со која беше во брак, како и нивната ќерка Амбер. Сега се огласи Татјана Драговиќ, а сите го чекаа тоа.
Сите знаеме колку тешки можат да бидат разводите, особено кога се случуваат пред очите на јавноста. Меѓутоа, она што се случува со Горан Иванишевиќ и неговата поранешна сопруга не е секојдневие. Тие се разведоа пред десет години, а кога бракот заврши, останаа во одлични односи. Затоа во медиумите како бомба одекна објавата на поранешниот тенисер.
-Во моментот кога се осмелив да ги барам парите што ги заработив пред и за време на бракот, кои Т.Д. (Татјана Драговиќ) ги присвои и покрај сите закони и договори, станав семеен насилник и миленик на судовите, напиша неодамна Горан.
– Сега само ја чекам тужбата со која би требало дотичмата Т.Д. да освои Вимблдон и два олимписки медали, а можеби и уште некој Грен слем, но тоа допрва треба да го утврди судот – додаде Горан.
Сите чекаа Татјана да проговори, што најпосле се случи.
– Никој не се менува додека не ја смени својата енергија, а кога ја менуваш енергијата, го менуваш својот живот. Не очекувајте нешто во вашите животи да се промени ако вашата околина ги контролира вашите чувства и мисли, односно ако вашата околина контролира како се чувствувате и размислувате. Свртете го тоа, и ќе сфатите дека вашите чувства и мисли ја контролираат околината и ќе го видите ефектот. Помалку ќе реагирате на луѓето во вашиот живот бидејќи ќе бидете свесни дека тоа ве враќа во позиција на жртва. Кога ќе сфатите дека вие ги создавате резултатите во вашиот живот, ќе сфатите дека вие сте креаторот, а не жртва во вашиот живот – се огласи Татјана на својот Инстаграм профил, цитирајќи зборови на доктор Џо Диспенза а мислејќи на Иванишевиќ.
