Фолк-пејачката Анета Љумаковска, која неодамна се омажи за колегата Рубин Размо, лута се огласи на Инстаграм.
Пејачката, која важи за еден од најдобрите и најмоќните вокали на нашата фолк сцена, ретко споделува детали од приватниот живот, но кога го прави тоа, остава силен впечаток.
Таа преку својот инстаграм-профил испрати директна порака. Со илустрација на лута лавица со наслов „Незапирлива“ (I’m unstoppable), Анета напиша:
„Нема да дозволам веќе на никој да ми потроши ни секунда од мојот живот. Јас ќе живеам и ќе уживам и ќе одам по својот сопствен пат. Не можеш ти со сто проблеми, драми и хаос да ми влезеш во мојот живот и да очекуваш јас да го носам тој товар наместо тебе. Мојот мир е привилегија и не е ниту јавно место, ниту место за лекување на било кој. Или си на иста фреквенција со мене или тргни се од мојот пат и немој да ме оптеретуваш.“
