Контроверзниот рапер постојано ги поканувал принцовите на своите „бели“ забави. Меѓутоа, синовите на британскиот крал Чарлс не се согласувале да ги посетат.
Американскиот рапер Пи Диди бил „опседнат“ со принцот Хари и принцот Вилијам. За ова пишува Би-Би-Си.
Поранешниот ПР човек на контроверзниот музичар, Роб Шатер, работел за Пи Диди во раните 2000-ти. Токму тој зборуваше за интересот на музичарот за британското кралско семејство.
Се испостави дека раперот „повеќе од 10 пати“ му наложил на ПР човекот да ги покани синовите на кралот Чарлс III на неговите забави. Пи Диди бил подготвен да плати за летот на Хари и Вилијам, сместувањето, па дури и за нивната безбедност.
“Диди беше опседнат со принцот Хари и принцот Вилијам. За себе мисли дека е крал, па логично е дека би сакал двајца принцови околу него”, рекол Шатер.
Покрај тоа, во својот стан во Њујорк, раперот чувал врамени фотографии од Вилијам и Хари.
Сепак, ниту Хари ниту Вилијам не ја прифатиле поканата на Пи Диди. Тие се запознале на концертот по повод годишнината од смртта на принцезата Дијана во 2007 година.
Инаку, како што е познато, Пи Диди (поранешно момче на Џеј Ло) е обвинет за трговија со луѓе и сексуални напади (повеќе од 100 можни жртви). Според гласините, на забавите на Пи Диди биле присутни Леонардо ди Каприо, Наоми Кембел, Бијонсе, Џеј Ло и бројни други ѕвезди.
