Лијам Пејн веројатно бил под дејство на дрога за која се знае дека предизвикува психотични напади и халуцинации кога несреќно загина, објавија британските медиуми, повикувајќи се на извори од аргентинската полиција.
Како што веќе објавија медиумите, 31-годишниот Пејн непосредно пред смртта се однесувал чудно. Полицијата во Буенос Аирес сега ја истражува теоријата дека Лијам земал моќна супстанца, која може да предизвика екстремни промени во расположението и да го направи корисникот агресивен.
Полицајците изјавиле за TMZ, како што пренесува Мирор, дека однесувањето на Лијам изгледало како да употребувал халуциногени дроги, но не потврдиле какви супстанци имало во неговата хотелска соба.
Наодите од резултатите од тестовите од пронајдените дроги и лекови допрва треба да бидат сипитувани.
Liam Payne took ‘hallucinogenic’ substance Cristal before balcony plunge death https://t.co/J5dfCHCxFq pic.twitter.com/pMT89gSHl0
— Daily Star (@dailystar) October 19, 2024
Првичната обдукција извршена во средата вечерта, откри дека Лијам починал од повеќе повреди, вклучително и фрактура на черепот, што предизвикало „внатрешно и надворешно крварење“.
Транскриптот од повикот на 911, направен од персоналот на хотелот, открива дека менаџерот на хотелот им пријавил на 911 службата: „Имаме гостин кој се дрогира и уништува се во својата соба. Ни треба некој да дојде“.
