Поранешниот сопственик на „Гранд“ продукција Саша Поповиќ е заслужен за успехот на многу пејачи кои денес блескаат на естрадната сцена. Една од оние кои секако му должи голема благодарност на овој шоу мајстор е пејачката Индира Радиќ.
Таа денес може да се пофали со многу хитови, а веројатно ништо од тоа немаше да се случи доколку Саша Поповиќ не ѝ помогнеше во далечната 1996 година.
На самиот почеток на нејзината естрадна кариера, Индира објави неколку албуми со „Јужен ветер“. По оваа соработка, фолк пејачката во 1995 година издаде албум за „ПГП РТС“.
Сепак, без разлика на големиот хит што го имаше со овој албум (Српкиња је мене мајка родила), Индира успеа да ги загуби сите пари. Не знаејќи како понатаму, решила да побара помош од Саша Поповиќ.
View this post on Instagram
„Индира првпат ја запознав на една турнеја во Швајцарија, а прва соработка имав со неа во 1996 година. Дојде во продукцијата Зам, на себе носеше патики, фармерки и рече:
– Можете ли вие нешто да направите за мене, јас немам пари,, ако може нешто да се направи, направете, ако не може, убава вечер и до гледање.
Јас ѝ реков дека ќе ѝ направам албум и да се јави на први септември“ – раскажа Саша Поповиќ неодамна во една прилика.
Индира Радиќ денес е голема фолк ѕвезда, има бројни хитови, а многумина ја обожаваат нејзината музика.
