„Толку сум исцрпена, толку уморна и повеќе не можам да носам мудри одлуки“. Сандра Булок е исцрпена од работа и поради оваа причина решила да се одмори од сцената, откри глумицата за Холивуд Репортер.
Всушност, пред неколку месеци таа изјави дека сака привремено да се тргне настрана од светот на кинематографијата за да се посвети на своите две деца, Луис и Лајла, 12 и 10 години.
„Сакам да останам дома – изјави таа за Си-Би-Ес. Не правам услуга на никого кој инвестира во проект со тоа што велам дека сакам да останам дома затоа што секогаш брзам, во трката за следното нешто. Сакам само да бидам присутна и одговорна“.
Овој пат изгледа навистина уморна од одржувањето на сите обврски, Сандра Булок, а по 30 години кариера и педесетина филмови таа сака да има време за себе. Признала и дека чекорот назад за неа е личен предизвик.
„Работата отсекогаш била константна за мене – рече таа – и имав навистина среќа. Сфатив дека станува како мојата патерица. Беше како секогаш да отворам фрижидер во потрага по нешто што никогаш не било таму“.
Таа додала дека сфатила дека секогаш е незадоволна од својот успех и дека премногу работела за да изгради самодоверба. „Си реков – објасни таа – престани „тоа“ да го бараш овде бидејќи не постои. Веќе го имаш и смири ја својата душа“.
Сандра Булок не знае колку долго ќе трае оваа пауза. Во изминатите неколку месеци, актерката беше во бесен виор на турнеја на која ги промовираше нејзините последни два филма, „Изгубениот град“ и „Bullet Train“, но призна дека не е природно да ги има постојано очите на јавноста или на новинарите вез себе.
