Трагичната вест за смртта на некогашната прославена манекенка Слаѓана Тесла ја потресе модната сцена и балканската јавност. Познатата манекенка почина на 53-годишна возраст, а нејзиното тело беше пронајдено во нејзиниот стан откако соседите забележале дека ја нема неколку дена.
Слаѓана беше едно од најпрепознатливите лица на регионалната модна индустрија, позната по својата специфична убавина, грациозниот од на пистата и уникатната харизма. Покрај успехот како модел, таа со децении работеше и како кореограф и букер, оставајќи неизбришлива трага на модната сцена.
За последните и исклучително тешки години од нејзиниот живот, обележани со борба против тешка болест и губење на родителите, нејзините најблиски соработници прозборуваа со голема болка:
Ненад Радујевиќ, основачот на Модното студио „Клик“, се присети на нејзиниот почеток од 1991 година кога ја забележал во трамвај, но и на нејзините последни денови:
„За жал, имаше тешка болест поради која мораше да се повлече. Живееше многу тешко по смртта на нејзините родители и минуваше низ навистина мрачни денови. Се обидувавме да ѝ помогнеме колку што можевме… Го носеше презимето Тесла со голем гордост, но тоа понекогаш ѝ беше и товар. Таа беше вистинска модна икона и така треба да ја паметиме“.
Весна де Винча исто така емотивно се прости од својата долгогодишна соработничка, откривајќи дека Слаѓана во еден период барала духовен мир и спасение во верата:
„Слаѓана беше ангел, а ангелите тешко ги издржуваат овие времиња. Пред две години кога се слушнавме, гледав дека психички не е добро. Со моите соработници дури разговараше и за можноста да замине во манастир за да се зајакне и да пронајде излез. Ќе ја помнам по нејзината прекрасна насмевка, нежност и професионалност“.
Познатиот моден креатор Игор Тодоровиќ истакна дека веста за нејзината смрт го оставила во шок, нагласувајќи дека загубил исклучителен сопатник во креативниот свет:
„Денес ја славиме и ја величеме онаа оган-енергија што ја остави зад себе. Слаѓана беше личност која совршено го разбираше секој концепт на дизајнерите и секогаш носеше боја и живот во сè што правевме“.
