Меѓу различните реакции за победата на Украина на Евровизија 2022, речиси сите позитивни, се издвојува портпаролката на руското Министерство за надворешни работи, Марија Захарова, која саркастично го коментираше настапот на оркестарот Калуш: „Без победата на Украина на Евровизија, сликата за тоа што се случи со оваа земја не би била комплетна. Падна завесата!
Победа на Украина на Евровизија 2022? „Мал театар“. Апелот на водачот на оркестарот Калуш за Азовстал? „Кукавичка провокација“. Евровизија? „Политички натпревар, а не музички натпревар“. Според руските медиуми, Москва не ја цени победата на украинската група Калуш Оркестар на Евровизија. Газета.ру, на пример, во изминатите неколку часа објави неколку написи со коментари на некои истакнати личности во Русија кои се против победата на бендот и воопшто на Евровизија.
Онлајн весникот ги пренесува изјавите на рускиот пејач Јудиф, кој учествуваше на Евровизија во 1994 година, според кои „победничката песна не е ремек дело, туку резултат на политиката“. Мислење го сподели и рускиот музички продуцент Јосиф Пригожин кој победата на Украина ја нарече „мал театар“. И објасни дека според него: „Нтпреварот веќе некое време е чисто политички“.
Портпаролката на руското Министерство за надворешни работи, Марија Захарова, саркастично го коментираше настапот на оркестарот Калуш: „Без победата на Украина на Евровизија, сликата за тоа што се случува со оваа земја би не била комплетна. Народни носии и национални музички инструменти, две Баба Јага (типична вештерка од бајките од источните земји), брејк денс и вресок за Азовстал. Сето тоа со Европа што аплаудира на нозе. Нека падне завесата!“.
Јелена Драпеко, поранешна актерка која сега седи во Думата, исто така ја смета Украина за политичка победа. „За мене Евровизија одамна престана да биде пеачко натпреварување, сето тоа е политичка акција во која настапот на уметниците не е релевантен за победата“, изјави таа за Газета.ру.
Неколку медиуми веќе гледаат на 2023 година и се прашуваат што би можело да се случи доколку Украина не може да биде домаќин на Евровизија поради „специјалната операција“. Газета.ру и Риа Новости пишуваат за можноста натпреварот да се одржи во Велика Британија, како второпласирана.
Риа Новости објави и напис со наслов: „Британците се против победата на Украина на Евровизија: „Дајте му Оскар на Зеленски“. Изворот се некои коментари „фатени“ на социјалните мрежи. Во написот се цитирани зборовите на некои корисници: „Евровизија е политичка фарса, дури и слепец тоа го разбира“, „Оскарот за Зеленски го полираа извесно време“.
Лента.ру, исто така, гледа кон 2023 година и претпоставува дека Евровизија би се одржувала во Шпанија. Интернет весникот оваа евентуалност ја објаснува врз основа на зборовите на директорката на шпанската ТВ Ртве која рече дека е подготвена „да ја дочека следната Евровизија доколку е потребно“.
Покрај украинската победа, во руските весници бурно се реагира и на апелот на водачот на оркестарот Калуш за неговата земја од која потекнува. Според различни медиуми, Украина заслужи исфрлување од натпреварувањето. „Наместо дисквалификација, тие победија“, пренесува каналот 78, а рускиот весник „Известија“ пишува: „Украина изврши провокација и ги прекрши правилата на Евровизија“, објаснувајќи дека „учесниците на натпреварот за пеење ја користеа сцената за да промовираат политички слогани. Фронтменот на оркестарот Калуш на крајот од настапот им се обрати на гледачите со апел да им се помогне на националистите заглавени во Азовстал“. „Известија“ потоа пренесува и други примери на солидарност со Украина што ги покажаа уметници од други земји, како германскиот пејач Малик Харис кој на крајот од својот настап ја сврте гитарата на која беше исцртано украинското знаме со зборот мир. „Ова е однесување спротивно на регулативата бидејќи на сцената се забранети политички пораки“, пишува Известија.
„Комсомолскаја Правда“ исто така ги обвини Украинците за „провокација“. Рускиот весник напиша: „Скандал на Евровизија. Украина ги крши главните правила. Пејачот на украинската група изврши кукавичка провокација: почна да извикува политички слогани од сцената “.
