Пејачката Ријана, која оваа пролет стана мајка, ќе го одржи својот прв концерт по пет години. На својот Инстаграм профил пејачката објави фотографија со топка, навестувајќи дека ќе настапи на Супер Боул 2023 година.
View this post on Instagram
На социјалните мрежи се појавија и гласини дека Ријана на овој концерт би можела да го претстави својот нов албум. Претстојниот настап на Ријана на Твитер го коментираше раперот Џеј Зи.
„Ријана е талент кој се појавува еднаш во генерација, жена со скромно потекло која ги надмина сите очекувања. Жената, која е родена на островот Барбадос, стана една од најистакнатите уметници на сите времиња“.
Во мај оваа година, Ријана роди син од нејзиното момче, раперот A$AP Rocky. За време на бременоста, пејачката беше во центарот на вниманието поради нејзините фотографии на кои гордо го покажуваше стомакот облечена во есктравагантни модни комбинации.
Бременоста на пејачката остана во сенка и од низа скандали поврзани со нејзиниот партнер. Така, раперот беше обвинет за пукање: музичарот беше уапсен на аеродром, а неговата куќа беше претресена. Претходно пак, во медиумите се појавија гласини дека раперот ја изневерува пејачката со нејзината пријателка, дизајнерката Амина Муади, додека сосема друга жена исто така откри дека тој флертувал со неа на Интернет.
