На голема радост на сите вас – почнавме уште една прекрасна соработка со готвачка за која готвењето е уметност – Наташа Мустафа.
Оваа врвна креативка во кујна своите маестрални рецепти ги објавува на својот инстаграм-профил, а сега вкусните рецепти ги доближуваме и до вас!
„ЉУБОВТА КОН ГОТВЕЊЕТО ЈА НАСЛЕДИВ ОД ДВЕ ПРЕКРАСНИ ЖЕНИ, ИЗВОНРЕДНИ ВО КУЈНА, МАЈКА МИ ЗОРЕ И БАБА МИ РАДА. ГОТВЕЊЕТО МЕ ОПУШТА И ПРЕКУ НЕГО ЈА ИЗРАЗУВАМ МОЈАТА КРЕАТИВНОСТ. ГОТВАМ, СЕРВИРАМ, ФОТОГРАФИРАМ.ТОА Е МОЈ НАЧИН ДА ЈА РАСКАЖАМ ПРИКАЗНАТА И ПРЕНЕСАМ ПОРАКАТА ДЕКА ГОТВЕЊЕТО Е УМЕТНОСТ“, НИ ОТКРИВА НАТАША.
(РЕЦЕПТ) НАТАША НИ НАПРАВИ ПРЕВКУСНИ МАФИНИ БЕЗ БРАШНО: Совршени за појадок, ужинка, вечера, излет…
Денес нашата драга Наташа споделува со сите вас уште еден врвен рецепт. За арапскиот свет шакшука, за нас позната и под името летна манџа…
„Ја сакам оти е полна вкусови и бои… уживање е за сите сетила… и да ја гледаш и да ја јадеш… Плус е супер лесна за подготовка, а уште сум во летен филм со менито и ми се јаде нешто лесно… и за подготовка и лесно за стомакот…“, вели Наташа Мустафа.
Потребни состојки:
- Неколку пиперки (јас ставив 5-6 средни, зелени)
- околу 20 доматчиња
- 5 јајца
- малку маслиново масло
- лук
- магдонос
(РЕЦЕПТ) НАТАША НИ НАПРАВИ ФРИТАТА А ЛА НАТАЛИ: Лесна храна за појадок или вечера!
Подготовка:
На маслиново се пропржуваат сецканите пиперки,па им се додаваат доматите,лукчето…се оставаат да се динстаат на тивко… На крај им се додаваат јајцата…. се поклопуваат… Штом се готови, се наросува сецкан магдонос…
Бон апетит!
