На голема радост на сите вас – почнавме уште една прекрасна соработка со готвачка за која готвењето е уметност – Наташа Мустафа.
Оваа врвна креативка во кујна своите маестрални рецепти ги објавува на својот инстаграм-профил, а сега вкусните рецепти ги доближуваме и до вас!
„ЉУБОВТА КОН ГОТВЕЊЕТО ЈА НАСЛЕДИВ ОД ДВЕ ПРЕКРАСНИ ЖЕНИ, ИЗВОНРЕДНИ ВО КУЈНА, МАЈКА МИ ЗОРЕ И БАБА МИ РАДА. ГОТВЕЊЕТО МЕ ОПУШТА И ПРЕКУ НЕГО ЈА ИЗРАЗУВАМ МОЈАТА КРЕАТИВНОСТ. ГОТВАМ, СЕРВИРАМ, ФОТОГРАФИРАМ.ТОА Е МОЈ НАЧИН ДА ЈА РАСКАЖАМ ПРИКАЗНАТА И ПРЕНЕСАМ ПОРАКАТА ДЕКА ГОТВЕЊЕТО Е УМЕТНОСТ“, НИ ОТКРИВА НАШАТА ДРАГА НАТАША.
„Совршено за појадок и вечера, а зошто не и за ручек кога ти се јаде лесна храна. Петка е и за по излети“, вели Наташа.
Потребни состојки:
- 2 средни компири
- 2 моркови
- 6 јајца
- 40 гр овчко сирење
- 30 гр суџук
- една рака спанаќ
- маслиново масло
- зачини (куркума, псилиум, ѓумбир)
Подготовка:
Компирите и морковите се рендаат. Другите состојки се сецкаат. Сè се промешува. Им се додаваат избиените јајца. Се става смесата во тава. Се пече 35 минути на 200 степени.
Пријатно јадење!
