Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Дали сте знаеле дека банана лепчето (banana bread) потекнува од Америка? Иако оригиналната верзија се прави само со изгмечени банани, јас ја обожавам оваа со додаток на кршени лешници и чоколадни капки кои го збогатуваат вкусот, ни вели Теа.
View this post on Instagram
Потребни состојки:
🍌250 гр. брашно
🍌80 гр. шеќер во прав
🍌80 гр. путер (на собна температура)
🍌1 мала лажичка прашок за пециво
🍌1 мала лажичка сода
🍌2 банани
🍌2 јајца
🍌50 гр кршени лешници
🍌50 гр чоколадни капки или чоколадо за готвење на ситни коцки
Подготовка:
Брашното, шеќерот, путерот, прашокот за пециво и содата се мешаат во длабок сад со рака и во средина се прави дупка во која се ставаат бананите, претходно изгмечени со вилушка и јајцата, претходно изматени со вилушка. Се се меша со лажица, се додадаваат лешниците и чоколадните капки и се става во калап за печење обложен со хартија за печење.
Се пече 30-40 минути на 180 степени.
