Актерката Ребел Вилсон откри дека била жртва на сексуално вознемирување во филмската индустрија, а објавила и дека нема намера во иднина да престане да зборува на оваа тема.
Вилсон тврди дека двапати била жртва на сексуалнo злоставување во почетоците на својата кариера, еднаш во Австралија и еднаш во САД. Првиот инцидент се случил во Австралија во нејзините 20-ти години, а во него бил вклучен еден „голем“ филмски режисер, за кој таа веќе зборуваше на својот твитер-профил.
Earlier in my career, I also had a ‘hotel room’ encounter with a top director. I thought we were there to talk comedy. Nothing physical happened because the guy’s wife called and started abusing him over the phone for sleeping with actresses and luckily she was yelling so loud…
— Rebel Wilson (@RebelWilson) November 11, 2017
„Мислев дека ќе имаме состанок и ќе разговараме за комедијата. Сепак, тој ми даваше се повеќе и повеќе алкохол, а јас, за среќа, не испив премногу. Тогаш му се јави сопругата, тој имаше еден од оние телефони кои кога некој ќе остави порака, може да се слушне преку звучниците, јас го слушнав сето тоа“, рече актерката. „Почна да вели: „Ребел е во твојата хотелска соба, ти ќе спиеш со неа“. Тоа беше првиот пат кога помислив: „О Боже, што е ова? Што се случува?“. Да не го слушнав нејзиниот глас на телефон, како вика преку телефонот, кој знае што можеше да се случи?“, изјавила актерката за „Би-Би-Си“, додавајќи дека ја грабнала чантата и ја напуштила собата, без никому да го спомне состанокот.
View this post on Instagram
Другото непријатно искуство се случило години подоцна во Лос Анџелес. Актерката тврди дека неименуван актер ја повикал во неговата приколка каде што ги соблекол панталоните и барал таа да изврши сексуален чин врз него додека неговите пријатели чекале да го снимаат на нивните мобилни телефони.
„Бев во шок. Неговите пријатели се смееја и очигледно се согласуваа со тоа. Ова беше пред „MeToo“ движењето. Не знаев што да правам и бев во непозната земја“, рекла Вилсон, додавајќи дека таа сепак останала на тоа снимање, иако денес би постапила поинаку.
View this post on Instagram
Актерката неодамна се појави во јавноста откако ослабе 35 килограми, а откри и дека на почетокот на кариерата никој не сакал да ѝ додели улога поради вишокот килограми.
