Смртта на Саша Поповиќ ја потресе целата естрада во регионот, а особено поранешните учесници на „Ѕвездите на Гранд“, на кои тој не им бил само директор, туку и огромна поддршка уште од почетоците на нивните кариери.
Меѓу нив е и пејачката Рада Манојловиќ, која откри колку многу ѝ значел Поповиќ и призна дека го чувствувала како втор татко.
„За мене Саша Поповиќ беше втор татко. Еден татко ме роди, а другиот – Саша – ме насочи во животот и ми даде сè што денес имам. Прва сум што секогаш велам дека тој ми го даде лебот в раце, затоа што точно знам каде бев пред ‘Ѕвездите на Гранд’“, раскажа Рада во „Гранд Специјал“.
Пејачката додаде дека Поповиќ оставил неизбришлив белег во нејзиниот живот.
„Неговиот однос кон мене никогаш нема да го заборавам. Тоа сум го кажувала многупати, а еднаш и Сузана Јовановиќ ме контактираше да ми се заблагодари што секогаш самата велам колку и двајцата ми помогнале. Знам дека бев негова миленичка, една од миленичките“, истакна таа.
Бидејќи имале однос како семејство, не изненадува што некогаш дошло и до кавга, што Рада со насмевка го прераскажа.
„Имав еден период кога поради љубов се карав со Саша Поповиќ (смеење), сосема непотребно. Сале веднаш сфати дека сум заљубена и заслепена, знаете веќе со кого… Го бранев тогашниот дечко, а всушност немав никаков проблем ниту со Саша, ниту со Жика Јакшиќ, кој тогаш имаше многу важна улога во ‘Ѕвездите на Гранд’. Јас тогаш непотребно затегнував, а никогаш не сум била конфликтна. Требаше само да ги оставам самите да си ги расчистат работите, но тоа беше пред дваесет години.“
