Нејзе не ѝ пречи дождот, па се соблече во бикини и се „тушираше“ додека врне. Оваа наша позната и згодна дама, на видеото што го објави, рече дека сака кога врне.
Станува збор за Бети Котовчевска-Бетика, ресенчанката позната како „ледената кралица“, која секаде низ светот се капе во студена вода и тоа е нејзина страст и начин на живот.
Бетика се капела во студена вода во 35 земји, а во Лапонија го поставила својот рекорд во вода која имала нула Целзиусови степени, а надворешната температура била минус 34.
– Мојата најголема желба беше Вим Хоф да ја слушне мојата презентација. Сакав да знае дека неговиот метод ми помогна да се родам повторно, буквално. Да навлезам длабоко во себе, кога го поминав дното, по мојата сообраќајна несреќа.
Кого моето внатрешно хиперактивно дете го врзало за кревет, тогаш не можам да се носам со тие емоции. Тоа беше преголем залак за 18-годишна девојка, која го градеше својот сон 10 години. Сите мои соништа пропаднаа, лекарите ми рекоа дека ќе останам со некаков инвалидитет. Ме скрши на милион парчиња – рече Бетика во едно интервју за „Слободен печат“.
