Рускиот претседател Владимир Путин, за време на телефонскиот разговор со францускиот лидер Емануел Макрон, предупреди дека бомбардирањето на нуклеарната централа Запорожје – за кое Русите ја обвинуваат Украина – претставува ризик од „катастрофа од големи размери“. Ова го соопшти Кремљ, цитиран од рускиот информативен сервис Тасс, додавајќи дека двајцата лидери ја истакнале важноста од испраќање мисија на МААЕ за контрола на ситуацијата во нуклеарната централа.
Путин и Макрон рекоа дека се за посета „што е можно поскоро“ на МААЕ (Меѓународната агенција за атомска енергија) на украинската нуклеарна централа Запорожје, окупирана од силите на Русија, објави Кремљ.
