Таткото на американската поп пејачка Бритни Спирс го даде првото големо интервју во кое раскажа зошто морал да го преземе старателството над својата ќерка. Џејми Спирс разговараше за ова со новинарите на Дејли Меил.
Во интервјуто, Џејми Спирс (70) ја сподели својата перспектива за старателството и зборуваше за неговиот однос со неговата ќерка, внуците Џејден и Шон. Поточно, тој рече дека старателството е „неопходно“ и само благодарение на него Бритни Спирс денес е жива.
„Не сите ќе се согласат со мене. Но, каде би била Бритни сега без старателството? И не знам дали би била жива“, рече тој.
Џејми Спирс, исто така, истакна дека старателството не само што ја спасило Бритни „од нејзините најтемни денови“, туку и помогнало да ја зачува нејзината кревка врска со нејзините деца, 17-годишниот Престон и 16-годишниот Џејден, кој ги дели со нејзиниот поранешен сопруг Кевин Федерлајн.
„За нејзината заштита, но и за заштита на децата, старателството беше одлична алатка. Мислам дека без тоа, таа никогаш немаше да ги врати децата“, додаде тој.
Таткото на пејачката призна дека годините на старателство му биле многу тешки.
„Тоа беше пеколно тешко време. Но, ја сакам ќерка ми со сето мое срце и душа“, рече тој.
Според Џејми Спирс, сега неговата ќерка е „очигледно лошо“ и се плаши дека на крајот „ќе заврши во уште поголема дупка отколку што беше“.
„Семејството и е во целосен хаос. Сè што можеме да направиме е да продолжиме да се молиме. Тоа е се што можам да кажам“, заклучи тој.
