Познатиот актер Марк Додсон почина на 64-годишна возраст откако доживеал „тежок срцев удар“ додека спиел, објавија странските медиуми.
Марк, кој го позајмуваше својот познат глас за ликовите во „Војна на ѕвездите: Враќањето на Џедајот“, починал додека бил во Евансвил, Индијана, потврди неговата ќерка Сијара со скршено срце. Настанот „Horror Con“ го однесе во Индијана, но за жал актерот починал во сон пред да стигне на настанот.
Сијара рече дека нејзиниот татко сакал да се појавува на настаните на неговите обожаватели и дека „никогаш не престанал да ја прави горда“. Сијара додаде дека наследството на Марк ќе живее преку неа и неговите внуци.
Марк, кој исто така го позајми гласот за малите животни во Гремлини, одлетал во Индијана на настанот „Horror Con“ кој се одржал викендов.
Актерот доживеал „масовен срцев удар“ додека спиел во својата хотелска соба, пишува TMZ.
