Принцот Хари, војводата од Сасекс, добил 32 пропуштени повици од кралицата Елизабета Втора по смртта на неговиот дедо, војводата од Единбург, принцот Филип, пишува британски Експрес, повикувајќи се на мемоарите на принцот Хари, хит-книгата насловена „Резерва“ (Spare).
Војводата од Единбург, Филип, почина на 100-годишна возраст на 9 април 2021 година.
Принцот Хари се сеќава дека на денот на смртта на неговиот дедо се разбудил од ѕвонење на телефонот и видел дека имал 32 пропуштени повици од неговата баба, кралицата Елизабета Втора.
„Хари…дедо си замина“, ја цитира Хари кралицата Елизабета.
Војводата од Сасекс забележал дека тој ден постојано се присетувал и на духовитоста и неверојатната смисла за хумор на дедо си, принцот Филип.
Потсетуваме, дека според најновите информации, мемоарите на принцот Хари за само 24 часа биле продадени во над 400 илјади примероци само во Велика Британија. Во Франција и Германија веќе се пуштени во продажба вторите изданија, по брзата распродажба на првите.
Вистините на принцот Хари напишани во мемоарите насловени „Резерва“ заработуваат милиони: таа е најпродаваната не-фикција книга досега во Обединетото Кралство. Во книгата војводата од Сасекс прецизира дека од продажбата ќе плати сума на некои британски добротворни организации: 1,5 милиони.
