Дека војводата и војвотката од Сасекс го живеат животот по строги правила и планови е јасно многу одамна. Но, она што изненади многумина е фактот дека за време на најубавите моменти во животот на секој човек како што е доаѓањето на свет на нивното дете, некој во нивно име ги купил интернет домените со името на малата принцеза.
Лилибет „Лили“ Дијана Маунтбатен Виндзор е родена во 11 часот и 40 минути во петокот, на 4 јуни 2021 година, во болницата Санта Барбара во Калифорнија.
Уште истиот ден, нејзиното име веќе било „обезбедено“, кога некој, очигледно во име на нејзините родители Меган Маркл и принцот Хари, ги купил домените со нејзиното име и тоа lilibetdiana.com, lilibetdiana.org и lilibetdiana.net.
Веста за раѓањето на девојчето беше објавена дури два дена подоцна, што би значело дека само најблиските пријатели и семејство, како и асистентите ја знаеле среќната вест во времето кога се купени домените. Домените се купени преку американската компанија „Domains By Proxy“, која купува веб-страници за сите оние кои не сакаат во јавноста да протекуваат информации за нив.
Домените се купени преку брокер во Аризона на денот кога се родила Лилибет Дијана, и иако никаде не е напишано официјално дека Меган Маркл и принцот Хари се сопственици на истите, тоа е јасно, бидејќи тие ја споделија среќната вест за доаѓањето на девојчето на светот дури два дена подоцна, затоа навистина биле премали шансите некој да го искористи нејзиното име.
Покрај тоа, купен е и доменот lilibetdiana.co.uk, но тоа купување е направено дури вчера. Се шпекулира дека парот има намера, исто како што беше случај со нивниот син Арчи и „Archewell“, да основа фондација именувана по нивната ќерка.
View this post on Instagram
