Принцот Вилијам ветил дека „никогаш нема да ја гледа“ документарната серија „Хари и Меган“ и ги замолил пријателите „да не му се одмаздуваат“ на неговиот брат за исмејувањето на кралското семејство, пренесува Дејли меил.
Извор близок до принцот од Велс изјавил за Дејли меил дека Вилијам ги замолил своите пријатели „да не предизвикуваат конфликт“ и да не одговараат на какви било тврдења изнесени од Меган и Хари во нивниот документарец кој се емитува на Нетфликс.
Според упатените, принцот Вилијам сега е целосно фокусиран на „гледање напред“ и „продолжување со работата“ наместо да се вклучува во битка со војводата и војвотката од Сасекс.
Инсајдерот додал дека и покрај конфликтот меѓу Вилијан и Кејт и Хари и Меган, тие сепак ќе си испратат божиќни подароци – за децата, но нема да има размена на подароци меѓу возрасните.
На 8 декември, првите три епизоди од документарецот за „Хари и Меган“ беа премиерно прикажани на платформата за стриминг Нетфликс. Следните три епизоди ќе се емитуваат на 15 декември.
