Твитер го распушти својот Совет за доверба и безбедност, кој вклучуваше совети за безбедност на социјалната мрежа, борба против поттикнување насилство или експлоатација на деца. Ова го пренесува Си-Ен-Ен, повикувајќи се на електронска пошта што ја добиле членовите на Советот.
Во писмото се вели дека како дел од повторната проценка на начините за „инјектирање надворешни размислувања“ одлучено е дека советот „не е најдобрата структура“ за такви цели.
Според Си-Ен-Ен, тројца членови на Одборот за доверба и безбедност веќе објавиле оставки минатата недела.
Претходно, американскиот милијардер и претприемач, сопственик на Твитер, Илон Маск, изјави дека сите профили со застарени сини ознаки на социјалната мрежа ќе ја изгубат својата значка за верификација во рок од неколку месеци.
