Во средата, озборувачкиот медиум за славни личности ТМЗ објави дека Бритни Спирс и Сем Асгари раскинале пред една недела.
Двојката е заедно вкупно 6 години. Тие се венчаа во јуни 2022 година.
Britney Spears and Husband Sam Asghari Split, Heading for Divorce https://t.co/SCUw51FhbQ
— TMZ (@TMZ) August 16, 2023
Според изворот кој ја пренесе веста за разделбата, Сем се иселил од домот што го делеле, веднаш по жестоката тепачка со Бритни поради слушнати гласини дека таа му била неверна.
Изворот тврди дека Сем наскоро ќе поднесе барање за развод, а веќе е во консултација со адвокати.
Иако и претходно имаше (о)зборувања дека нивниот брак е на стаклени нозе, ова е очигледно првпат Сем да преземе некои дефинитивни чекори за да ја прекине врската.
Спирс и Асгари се свршија во септември 2021 година и се венчаа седум месеци подоцна на мала, но раскошна свадба во нејзината палата во Таузнд Оукс.
На листата на гости се најдоа неколку познати личности, меѓу кои Мадона, Селена Гомез, Дру Баримор и Парис Хилтон.
Ова е трет брак за 41-годишната пејачка и прв за Асгари кој има 29 години. Таа има два сина со поранешниот сопруг Кевин Федерлајн.
Нејзиниот прв брак беше со Џејмс Александар во 2004 година.
Britney Spears & husband Sam Asghari heading for divorce after explosive fight about cheating rumors https://t.co/gk0B2UsHPM
— Page Six (@PageSix) August 16, 2023
Минатата година по нивната венчавка беше објавено дека парот потпишал предбрачен договор за заштита на заработката на поп-ѕвездата пред бракот.
И додека Асгари нема да може да го допре богатството на Спирс, тој ќе добие некаков вредносен чек по краткиот брак со кој ќе мора да се задоволи.
Сем и Бритни често претставуваа обединет фронт во очите на јавноста, при што тој беше нејзин број 1 бранител и поддржувач, но уште одамна имаше шпекулации за проблеми во нивниот брак.
Бритни Спирс ја ангажираше адвокатката на Џони Деп за развод: Ќе биде „непријатна битка во судница“
