Искрена исповед за тоа што низ што поминала во годинава што изминува, објави Јелена Спенџарска, познатата водителка и инфлуенсерка.
– Наскоро ќе има многу постови од луѓе кои ќе споделуваат што сѐ постигнале во 2025 година. Во случај некој да треба да го прочита ова, сосема е во ред ако единственото нешто што постигна годинава е што преживеа – напиша таа на Инстаграм.
Јелена Спенџарска секогаш споделува важни моменти од својот живот со следбениците, и во неколку наврати објави дека годинава ѝ била тешка, но не објасни зошто. Таа е позната и по својот ведар дух и хумор, па секогаш ги забавува оние што ја следат.
– Секогаш кога патувам сама некаде и кога сум сама на аеродром, мене ми се плаче и плачам. Ме обзема едно такво чувство што не можам ни да го опишам, значи, едноставно немам зборови и само почнувам да плачам – објави неодамна водителката, кога беше на настан за инфлуенсери во Брисел.
