Ќе ве освои со вкусот, но и со едноставноста на подготвувањето. Ако сте за лесен, брз ручек, дегустирајте ја питата со тиквички и сланина.
Од намирници потребни се:
1 поголема тиквичка,
2 лажици кисела павлака,
1 чаша брашно,
2 јајца,
150 грама кашкавал,
150 грама сланина,
малку магдонос,
путер,
сол и црн пипер.
Подготовка
Тиквичката изрендајте ја, посолете ја и оставете ја некое време да ја испушти водата, потоа исцедете ја.
Префрлете ја во сад и помешајте ја со павлаката, брашното, јајцата и исечканиот магдонос. На крајот додадете ја и сланината која претходно сте ја пропржиле.
Убаво измешајте ги сите состојки, па префрлете ги во сад за печење кој сте го подмачкале со путер. Нарендајте од кашкавалот и печете на 200 степени додека питата добие златна боја.
