Пејачот Јордан Митев повторно ја разбранува јавноста со свој статус на социјалните мрежи, отворајќи тема која често предизвикува реакции.
На својот профил на Фејсбук, Митев напиша:
„Интересна и реална констатација… Доколку на олимписките игри би имало дисциплина или категорија ,ЗАВИДЛК” дефинитивно би биле прваци со златна медаља.“
Неговиот став наиде на бројни реакции, меѓу кои и поддршка од негови следбеници. Еден од фановите му упати коментар во кој се осврна на неговиот ангажман за време на пандемијата:
„Јордан те прифаќам како вреден, чесен и амбициозен млад човек, кој посебно ми се допадна, во време на пандемијата,кога бевте единствен кој апелиравте до колегите музичари, да не очекуваат субвенционирање од државата, туку да ги засукаат ракавите и да творат , да пишуват и создават нови песни. БРАВО.“
Митев не остана должен на ваквата поддршка, па возврати со подолг одговор во кој отворено говори за состојбите на македонската музичка сцена:
„Драго ми е што ја памтете таа моја изјава. За жал малку се спремни да се соочат со вистината, а и тогаш и сега, а мислам дека и во иднина, генерална слика ќе биде иста, конкретно на ,македонска сцена’ бидејќи овде малку се оние кои што сакаат да создадат и знаат што да прават, генерално владее ,,мајдсетот” како да се стигне во моменталната власт и како да се дојде до плоштадите и разно разни манифестации кои што завршуваат со ‘јада’. За продукт, треба ум и креатвност. Затоа најлесно е препеј 2 песни, по можност патриотски, знамето на грб и терај. И многу работи кои што треба да се додадат, но ајде да ги здржам за себе. Благодарам! Секое добро!“, напиша пејачот.
