Најбогатиот човек на светот, а воедно и главен извршен директор на „Тесла“, основачот на „Спејс Икс“ и сопственик на Твитер, Илон Маск има прецизни правила за своите вработени.
Во јавност исплива листата на однесувања за работниците на Твитер (а претходно, познато е дека слична листа има и за вработените од Тесла). Целта на Илон е да го искористи максимумот и да ги поттикне своите вработени да работат брзо и да бидат дисциплинирани.
Овој правилник неодамна „протече“ во јавноста, а ова се „познатите“ правила на Илон:
1. Намалете го интензитетот на состаноците
Според Маск, состаноците се главниот недостаток на големите компании, а за да бидат поефикасни треба да ги има помалку состаноци. Освен во итни случаи, се разбира.
2. Напуштете ги бесмислените состаноци
Ако некој вработен чувствува дека не придонесува на состанокот на кој било начин, треба да биде пуштен да си оди. – Не е непристојно да си заминеш од состанок. Непристојно е да се натера некого да се врти таму каде што губи време, тврди Маск.
3. Комуницирајте јасно
За да може комуникацијата да биде ефективна, таа треба да биде директна. Маск очекува неговите вработени да користат технички зборови на работа, а не акроними.
4. Не смее да има хиерархиска подреденост во комуникацијата
Маск смета дека комуникацијата секогаш треба да оди по најкраткиот можен пат. Односно, тој смета дека и вработениот со најниско рангирање има право да разговара со кој било менаџер за својот проблем, а не исклучиво со менаџерот кој е на прво место над него.
5. Бидете разумни во размислувањата
На некои луѓе им треба повторување на навидум очигледна задача. Овој совет е многу важен, иако во некои ситуации може да изгледа бесмислен.
6. Избегнувајте големи состаноци
Маск тврди дека големите состаноци треба да се избегнуваат во голема мера, освен кога тие се кратки и носат важни сознанија за сите присутни.
