Рок пејачот Велибор Миљковиќ, во јавноста познат како Тони Монтано, вчера беше пронајден мртов во својот стан.
Тони во последните години се повлече од јавноста, а неговите соседи зборуваат за тоа како живеел.
– Во последните 10 години од животот имаше многу проблеми со финансиите бидејќи не можеше да живее од авторски права, ќе капнеше ваму-таму, но не доволно за да ја прескокне границата на сиромаштијата. Ниту годините не беа на негова страна, па не можеше да настапува во мера што би била задоволителена, а искрено немаше многу покани за настапи, дојдоа некои други времиња – вели изворот за српски „Курир“.
– Станот во кој живеел го продал на својот братучед и со тие пари успеа да добие се што му треба за пристоен живот. Во последните неколку месеци често зборуваше дека сака да се врати во родниот Бојник и таму да живее во мир, достоинствено. Ми рече: „Во Бојник секој што ќе ме сретне ми посакува добар ден, додека во Белград не ми се јавуваат ни луѓе што ги познавам. Таму имам се што ми треба и сакам да бидам среќен таму и да го чекам крајот“ – изјавил многу близок извор на Тони.
Ова сознание го потврди и неговата прва сосетка.
– Го продаде станот и дојде овде пред два дена со големи торби да спакува некои работи. Неговиот вујко и тетка живеат веднаш до него, врата до врата, и се многу добри луѓе. Тони немаше љубов и внимание и затоа не му беше добро психички во последните неколку дена. Го уби осаменоста – рекла сосетката.
Да потсетиме, испратената патрола на лице место ја затекнала Снежана Миљковиќ, роднина на Тони, која изјавила дека не им се јавува на телефон и не ја отвора вратата од станот. Ангажирале бравар кој го отворил станот, каде во фотелја бил пронајден музичарот кој веќе бил мртов. Екипа на Брза помош излегла на местото и констатирала смрт. Истражната екипа извршила увид и го запечатила станот. Нема знаци на насилна смрт.
