„На 6 јануари ги извршував своите должности како прва дама и не бев свесна“ што се случува во Конгресот. Ова го изјави Меланија Трамп во ексклузивно интервју за Фокс: „Да бев информирана за сите детали, се разбира, веднаш ќе го осудев насилството што се случи во Капитол. Секогаш го осудувам насилството“, нагласи таа.
Меланија Трамп објаснува дека била зафатена со каталогизација на написите од Белата куќа за националните архиви. Нејзината обврска беше, „како што беше за претходните први дами, да ја сними содржината на историските простории на официјалната резиденција на претседателот – подвлекува таа – со правење архивски фотографии од реновирањето.“ И за да го направи тоа таа организирала тим на фотографи, архивари и дизајнери „неколку месеци однапред беше закажано за 6 јануари да ја завршат работата“.
Поранешната прва дама на тој начин ги отфрли тврдењата на поранешната шефица на кабинетот Стефани Гришам дека одбила да го осуди насилството кога ја прашале. Гришам објаснува дека Меланија Трамп не била ни во Белата куќа на 6 јануари и нејзиното однесување како одговорна на кабинетот „значи небрежност“. Таа ја нападна Меланија: „нејзиното однесување е многу разочарувачко“, потсетувајќи како секогаш ја поддржувала кога работела за нејзиниот сопруг.
Гришам служеше како ПР раковител на Трамп околу две години пред да стане офицер за печат во Белата куќа во 2019 година по заминувањето на Сара Хакаби Сандерс. Таа се врати да работи за Трамп во 2020 година како шеф на кабинет.
Former first lady breaks her silence on January 6th https://t.co/aZcfew1pim
— Fox News (@FoxNews) July 21, 2022
