Поранешната добра пријателка на Меган Маркл, британската ТВ водителка Лизи Кенди, ја нарече Меган „себична“ затоа што одби да учествува на претстојното крунисување на Чарлс Трети, пренесува британски Дејли Мирор.
„Мислам дека Меган нема да дојде на крунисувањето бидејќи знае дека ќе биде исвиркана, но ги става сопствените чувства и грижи за тоа над нејзините деца“, рече таа.
Кенди е особено огорчена што двете деца на војводата и војвотката од Сасекс, Лилибет и Арчи, нема да присуствуваат на значајниот настан.
„Што ќе им кажат Хари и Меган на своите деца кога ќе пораснат? Кога децата ќе прашуваат: „Зошто не бевме таму во тој историски момент на Велика Британија? Зошто не бевме на тој балкон? Што ќе каже Меган? Знаев дека ќе ме исвиркуваат, па не сакав да одам. Таа [Меган Маркл] се става себеси над сите други “, рече ТВ водителката.
Кенди се запознала со Маркл во 2013 година кога од нив било побарано да седнат една до друга на хуманитарен настан. Тие престанаа да зборуваат кога Маркл и Хари се преселија во САД.
