Српската поп пејачка Јелена Карлеуша денеска, 17 август, слави роденден, а нејзините ќерки Атина и Ника ја изненадиле точно на полноќ.
Карлеуш во вилата на Сењак ја дочекале букети цвеќе, но и нејзиниот портрет што го насликала нејзината ќерка, како и порака што ја расплакала.
– Драга мамо, среќен роденден! Ти посакувам сите желби да ти се остварат, секогаш да бидеш среќни, сакани и заштитени од лоши луѓе. Ти посакувам секогаш да го имаш својот позитивен начин на размислување и да не дозволиш никој да ти го одземе тоа што го носиш во себе. (Твоето ЈАС). Ти си најсилната личност на светот, начинот на кој се избори со омразата, неправдата е нешто што не можеше секој да го направи. Те почитувам и ти се восхитувам поради тоа каква личност си, како им се обраќаш на луѓето, како шириш љубов, како се изразуваш и поради твојот хумор, како оставаш добри пораки и твојата искреност. Не се плашиш да бидеш своја и да го кажеш своето мислење. Ти си мајка една во милијарда, всушност во бесконечноста. Уште една Јелена Карлеуша никогаш нема да се роди повторно, бидејќи си навистина извонредна и посебна личност. Знаеш да почувствуваш како некој се чувствува, дури и кога таа личност не ти кажр ниту еден збор. Сакам да уживаш во денешниот ден и, секако, уште повеќе сакам секој ден да ти биде посебен – напишала помладата ќерка на Карлеуша, Ника.
Јелена ја добила оваа емотивна порака точно на полноќ во вилата на Сењак во Белград.
Инаку, Карлеуша синоќа на својот роденден отвори и нов инстаграм-профил синоќа и тоа неколку месеци откако нејзиниот стар беше целосно исклучен.
Атина и Ника веднаш ѝ се обратиле за тоа, па воедно заедно со роденденот ѝ го честитале и враќањето на мрежите.
По бројните напади, пријави и претходни исклучувања на профили, Карлеуша одлучи да се врати на социјалната мрежа каде што со години важеше за една од најдоминантните и најследени ѕвезди во регионот.
Новата страница веќе привлекува огромно внимание, а нејзиното враќање доаѓа по турбулентен период во кој нејзиниот Инстаграм беше затворен или повеќепати недостапен. Сепак, Карлеуша не се откажа – отвори нов профил и јасно изјави дека не можат само така да ја отстранат од сцената.
