Каков викенд ќе имаме пред нас?
Според метеопрогнозерот Славчо Попоски за време на викендот територијата на Македонија ќе биде под влијание на циклон од Медитеранот и истиот ќе услови ПОИНТЕНЗИВНИ врнежи од дожд и засилен ветер од југоисточен правец. Локално ќе наврне ЗНАЧИТЕЛНО КОЛИЧЕСТВО на воден талог (околу 40 л/м2). Температурите ЗНАЧИТЕЛНО ќе опаднат и тоа дури за околу 10 степени во споредба со сегашните и особено во недела истите ќе се искачуваат во интервалот од 10 до 16 степени. Поради падот на температурите, на највисоките планински места низ Македонија ќе има услови и за провејување на снег, вели метеопрогнозерот Попоски.
