Смртта на актерката беше објавена вчера од нејзината менаџерска компанија.
Јужнокорејската актерка и модел Јунг Чае-Јул (26) е пронајдена мртва во својот дом. Смртта на актерката беше објавена вчера попладне од нејзината менаџерска компанија, а деталите за нејзината смрт се уште не се објавени.
– Мораме да ви соопштиме тажна вест која скрши срца. Чае-јул не напушти на 11 април – се вели во официјалното соопштение на МК Њуз.
Актерката се прослави со улогата во серијата на Нетфликс „Zombie Detective“, како и со „I Have Not Done My Best“ и филмот „Deep“.
Јунг Чае-Јул требаше да глуми во долгоочекуваната драма на корејска продукција Wedding Impossible, а по објавата за смртта на младата актерка, продукцијата одлучи да го одложи снимањето.
Агенцијата Менаџмент С откри дека погребот ќе се одржи во најтесен круг по желба на семејството.
– Љубезно ве замолуваме да се воздржите од ширење гласини и шпекулативни извештаи во оваа насока – рекоа тие.
