Почина клавијатуристот на „Слатки грех“ Љубиша Марковиќ Френки, соопштено е на Инстаграм и Фејсбук профилите на групата.
– Нека ти е лесна земјата и почивај во мир, драг наш Френки. Твој „Слатки грех“ – се вели во објавата.
View this post on Instagram
Бендот „Слатки грех“ е создаден од составот „Лира Шоу“ во 1977 година, а со доаѓањето на Лепа Брена, која стана нивна пејачка во 1982 година, го сменија името во „Слатки грех“. Од оригиналната постава останаа Живојин Матиќ Жиле (гитарист) и Зоран Зоки Раданов (кларинет и придружен вокал).
Тие стекнаа голема популарност низ целиот регион со хитовите „Хајде да се волимо“, „Југословенка“; „Миле воли диско“, „Миќо, Миќо“, „Шеик“, „Удри Мујо“ и други.
Иако Лепа Брена и „Слатки грех“ не настапувале заедно од средината на деведесеттите години, групата продолжила да постои и да свири на разни прослави. По распадот на оригиналната постава, Саша Поповиќ, кој почина на 1 март во Париз , се посветил на дискографијата, прво во продукцијата на „ЗАМ“, а потоа со Брена во 1998 година ја основал „Гранд продукција“.
Заминувањето на Френки остава голема празнина во редовите на „Слатки Грех“ и меѓу сите љубители на златното доба на народната музика.
