Ќерката на пејачот Ѓоко Танески, Анастасија е вистинска убавица, а гордиот татко објави фотографија со неа со посебен повод.
Изминатиов викенд, таа наполнила 18 години, а пејачот ѝ честиташе на својот инстаграм-профил и објави фотографија со неа од прославата.
Танески и неговата сопруга имаат уште една убавица на која се горди, а тоа е нивната помала ќерка Михаела и живеат во Охрид.
Инаку, Ѓоко Танески во 2011 година ја пронајде својата сестра Елена Соколова која живее во Богданци. Со двајцата браќа ја барал од моментот кога дознале дека имаат сестра, а тоа било кога починал неговиот татко.
Танески тогаш имал 21 година, Елена 32 години. Вистината му ја рекла тетка му, еден ден откако го погребале татко му.
– Елена ни е сестра и по татко и по мајка, а се родила додека не биле во брак. Поради низа околности, не можеле да го чуваат девојчето и го дале во Домот за доенчиња и мали деца во Битола. По една година отишле да си го земат, но тоа веќе било посвоено – рече во една прилика Танески.
