Дејвид Мекалум, кој стана една од најголемите телевизиски ѕвезди во 1960-тите глумејќи го рускиот шпион Илја Курјакин на „Човекот од U.N.C.L.E.“, а потоа, децении подоцна, освои нова генерација фанови со хит серијата „NCIS“, почина на возраст од 90.
View this post on Instagram
„Длабоко сме тажни поради смртта на Дејвид Мекалум и привилегирани што CBS беше неговиот дом толку многу години. Дејвид беше надарен актер и писател и беше сакан од многумина ширум светот“, објави NCIS на социјалните мрежи.
Според списанито „Варајати“, починал од природна смрт.
Роден во Шкотска, син на двајца музичари, Мекалум имаше седумдецениска актерска кариера, која датира од неговите студентски денови во 1950-тите години на лондонската Кралска академија за драмска уметност, каде што една од неговите колешки беше идната ѕвезда Џоан Колинс.
Својата кариера ја започна со споредни улоги во голем број британски филмови, вклучително и „Ноќ за паметење“ во 1958 година, каде што го играше Харолд Брајд, радио оператор на Титаник.
Тој го привлече вниманието на американската публика со неговата мала, но клучна улога како еден од заробениците што планира масовно бегство од германски затворски логор од Втората светска војна од 1963 година во класиката „Големото бегство“.
Мекалум исто така гостуваше во бројни американски ТВ серии, а во 1964 година се појави во шпионската серија „Човекот од U.N.C.L.E.“.
David McCallum: NCIS and The Man from U.N.C.L.E actor dies aged 90 https://t.co/70g1iBIoZq
— BBC News (World) (@BBCWorld) September 25, 2023
Во интервју за британски „Мирор“ во 2016 година, Мекалум рече дека неговите обожаватели му биле толку верни што во текот на прошетка низ њујоршкиот Централ парк, додека серијата се емитувала, се собрале бројни луѓе.
„Луѓето почнаа да се собираат, а два полицајци на коњи ми пријдоа од грб и мораа да ме подигнат. Истрчавме од паркот“, рече тој.
Нова средба со славата го очекуваше кога Мекалум ја играше улогата на медицински истражувач во воената детективска серија на CBS, „NCIS“.
Тоа беше една од најпопуларните серии на американската телевизија во последните 20 години.
Мекалум, кој рече дека тоа е негова „најдобра улога досега“, се нурна во таа улога студирајќи судска медицина, па дури и присуствувал на обдукции.
„Имав неверојатен живот. Можам да седам тука цела недела и да зборувам за минатото и 99, 9 отсто тој разговор ќ биде позитивен“, рече своевремено глумецот за „Мирор“.
