Анастасија Ражњатовиќ и Немања Гудељ се венчаа – своето судбоносно „да“ го кажале во манастирот Рајиновац недалеку од главниот град на Србија пред десет луѓе, додека, како што дознава српски „Блиц“, веќе извесно време планираат голема свадба.
Големата свадба ќе биде организирана следното лето и тоа далеку од Србија.
Тие одлучија венчавката да биде во Шпанија, па таму ќе ги соберат сите нивни драги луѓе, а сигурни се дека сите со задоволство ќе им дојдат во оваа европска земја, за да им го разубават посебниот ден, пишува српски „Блиц“.
Гудељ веќе подолго време живее во Шпанија, бидејќи игра за „Севиља“, додека Анастасија постојано зборувала за тоа колку ја сака таа земја.
Старосватица на Анастасија Ражнатовиќ на црковната венчавка била нејзината најдобра пријателка, актерката Тара Милутиновиќ, а таа одлука пејачката ја донела одамна.
На Гудељ пак, кум му бил другар од детството.
