На 6 декември ќе бидат одбележани три години од смртта на легендарниот фолк пејач Џеј Рамадановски, а за тогаш е планирана и премиерата на филмот за неговиот живот.
Насловната нумера за филмот за животот на Џеј Рамадановски ќе ја пее фолк ѕвездата и негова блиска пријателка Светлана Цеца Ражнатовиќ.
Популарната пејачка сега на Твитер ги откри деталите за нумерата што ќе го придружува овој филм и воедно првата песна што Цеца ја снимила по 6 години.
„Снимена е песната за филмот за Џеј! Фута, Марина и јас во една нова песна. Нова песна, стари чувства! Едвај чекам да ја слушнете ‘За крај’“, напиша Цеца.
Snimljena pesma za film o Džeju! Futa, Marina i ja u jednoj novoj pesmi. Pesma nova, osećanja stara! Jedva čekam da čujete “Za kraj”.♥️
— Ceca Raznatovic (@CecaRaznatovic) October 18, 2023
Филмот за Џеј се снимаше на повеќе локации во Белград, на Дорчол, како и во Панчево. Работата на проектот започна на 14 март, а снимањето беше завршено во средината на јуни. Во оваа филмска адаптација Џеј ќе биде прикажан како наратор на филмот и ќе ја води публиката низ неговата животна приказна, но и низ животот на Дорчол во тој период. Улогите ги добија актерите: Хусеин Алијевиќ, Марко Јанкетиќ, Стефан Вукиќ, Алексеј Бјелогриќ, Ален Селими, Ана Пиндовиќ, Маша Ѓорѓевиќ и други.
