Според „Сан“, играчот на Барселона, Жерар Пике веќе нашол нова љубов по раскинувањето со Шакира (се разделија во јуни оваа година по речиси 11 години брак). Според таблоидот, Пике (35) е во врска со 23-годишната студентка Клара Чиа Марти, која работи во неговата агенција за настани Космос.
Клара студира односи со јавноста и се верува дека го запознала Пике додека работела на организирање настани. Извори блиски до парот велат дека тие се во врска веќе неколку месеци. Ова покренува прашања за тоа дали нивната романса започнала пред Пике да раскине со Шакира. Самите ѕвезди не зборуваат за причините за раскинувањето, но, според шпанскиот печат, врската е раскината поради неверствата на фудбалерот. Беше објавено дека Жерар дури наводно бил фатен во кревет со друга жена.
„Таа е студентка која исто така работи за него во неговата канцеларија организирајќи настани. Тие молчеа за нивната врска, но сите наоколу знаат што се случува. Луѓето му помогнаа аферата да остане во тајност, а профилите на Клара на социјалните мрежи беа избришани за луѓето да не можат да ги најдат нејзините фотографии. Неговите пријатели сметаат дека за него ова е многу сериозна врска“, вели изворот за Сан.
Во јуни Пике веќе беше забележан во друштво на нова девојка, но не се знае дали тоа беше Клара.
