По долго време, се огласи Панки од „Куку леле“, во добро друштво и со посебен повод.
Едно нешто ги поврза Спасен Силјановски, Наум Петрески, Миле Кузмановски, Панки, Роберт Саздов и Огнен Здравковски.
Огнен ја објави оваа ретка слика од суте нив заедно, а ги поврзале мезето и пијачката, па Здравковски едноставно ја нарекол оваа слика: Цело е кога има сѐ.
Инаку, најретко на социјалните мрежи се појавува Панки, кој не објавува често за неговите настапи или активности, освен ако некој не го означи.
Пејачот на дуото „Куку леле“ инаку се вика Сашо Каимовски, а во една прилика раскажа како го добил птрекарот Панки.
-Прекарот Панки ми е од средно школо. Тогаш јас така се носев како панкер, со скинати маички, скинати фармерки, скинати патики… Панкот во тоа време беше многу во мода, а никогаш не сум бил ни панкер ни ништо од тоа.
Тогаш начинот на облекување беше таков. И кога почнав во школо сите почнаа кој е панкеров, кој е панкеров кај нас во школо, и од тогаш панкер, панкер, панки, панки… и така остана”, рече Панки.
