Милица Ѓурѓиќ, партнерката на премиерката на Србија, Ана Брнабиќ, се најде на насловната страница на декемвриското издание на модниот магазин „L’Officiel“, издание за арапскиот пазар.
Милица во интервју за споменатиот магазин откри како гледа на модата.
„Ја сакам модата, но не сум нејзин роб. Не ги следам трендовите. Го носам она што сакам и во што се чувствувам добро“, изјави таа.
View this post on Instagram
На прашањето во кои познати дами наоѓа инспирација, Милица одговори: „Има многу значајни жени во српската историја, кои особено се истакнале во тешки времиња. На пример, Ксенија Атанасијевиќ, првата жена што докторирала на Универзитетот во Белград, потоа големата сликарка Милена Павловиќ-Барили, а потоа храбрата Билјана Србљановиќ…“
„Во Белград има две места кои ги обожавам – Хиподром и Филхармонија. И двете се автентични и уникатни. Белградскиот Хиподром е најстариот спортски објект, место полно со историја и емоции, нешто во што уживаат цели семејства. Таква е Филхармонијата, која и мојот син многу ја сака. Тој ја сака музиката и често одиме заедно на концерти таму“, откри таа.
