Овие забрани ги шокираа навивачите кои сакаат да одат и да ги бодрат своите репрезентации на мундијалот.
Наскоро започнува светското првенство во фудбал во Катар што ќе трае од 20 ноември до 18 декември, а навивачите останаа шокирани кога видоа што сѐ е забрането на претстојниот мундијал.
На еден од транспарентите за добредојде во оваа земја се појави список на работи кои се забранети и на кои ќе мора да се внимава. Казните за прекршување на овие правила се високи, па освен апсење и одење во затвор може да дојде и до депортација, а се спомнуваат и кривични дела казниви со смрт.
Фотографијата од контроверзниот транспарент за кратко време се појави на социјалните мрежи.
„Почитувајте ја религијата и културата на луѓето во Катар така што нема да го правите следново“, е наведено на почетокот, а потоа пишува што сѐ е забрането да се прави.
„Не смеете да пиете алкохол, да употребувате пцовки, да не покажувате почит кон религиозните обележја, забранет е хомосексуален секс, забранета е гласна музика и повишен тон, забрането е излегување и бакнување во јавност освен ако не сте во брак, не смеете да фотографирате луѓе без нивна дозвола, на жените им е забрането да се облекуваат оскудно“, стои во транспарентот.
Сето ова предизвика голема врева. Јасно е дека фудбалот предизвикува големи емоции кај навивачите, особено ако нивниот тим загуби, па јасно е дека има многу работи кои дефинитивно нема да можат да ги контролираат, како пцовки, повишен тон, гласна музика и слично, а јасно е дека може да настанат големи проблеми и поради забраната за алкохолни пијалоци.
Дефинитивно ќе биде интересно да се види дали властите во Катар ќе „прогледуваат низ прсти“ за некои работи или сепак строго ќе ги почитуваат правилата.
Во продолжение можете да ја слушнете официјалната песна на мундијалот.
