Украинскиот парламент ја отстрани од функцијата комесарката за човекови права, Људмила Денисова, тврдејќи дека ја фокусира својата работа на злосторства од сексуална природа „што не можат да се потврдат со докази, што ѝ нанесува штета на Украина и го одвлекува вниманието на медиумите за реалните потреби на Украина“.
Според агенцијата Интерфакс-Украина, парламентарците се изјасниле и за лошите резултати на еврокомесарката во создавањето хуманитарни коридори и размената на воени заробеници, како и за фактот дека таа поминала време во „топлата Западна Европа“ за време на руската инвазија, „но не во Русија или Белорусија, каде што нејзиниот статус и овластувања би можеле да им помогнат на затворениците“.
Денисова пак, најави дека ќе поднесе жалба на предлогот за недоверба што го изгласа парламентот, известува Униан.
„Ме отпуштија спротивно на Уставот, украинските закони и меѓународните стандарди. Ќе се жалам на оваа одлука на суд. Законот е ист за сите“, напиша таа на Фејсбук.
